ДУО ГРЕЕН РОАД ДОО Скопје е непрофитна организација која работи на намалување на отпадот од старите хаварисани возила и на создавање почиста и поздрава животна средина.

ДУО ГРЕЕН РОАД ДОО Скопје како колективен постапувач  е основана од следните правни лица: ТДПТГМ КА-ДИС ДОО Скопје и ДПУ АУТОМОТИВ ГРУП ДООЕЛ Скопје, увозници на автомобили со долгогодишно искуство во областа.

ДУО ГРЕЕН РОАД ДОО Скопје како колективен постапувач  има мисија да ги расчишти јавните простори, паркинг места, тротоарите и другите површини од возила кои што не се во возна состојба и со години скапуваат и пропаѓаат.

На тој начин освен што се ослободува простор зафатен од хаварисани возила, придонесуваме и кон почиста и поздрава животна средина.

ДУО ГРЕЕН РОАД ДОО Скопје воспоставува нов начин на системско отстранување на хаварисаните возила и нивна правилна обработка.

За таа цел ДУО ГРЕЕН РОАД ДОО Скопје склучи договор за соработка со следните општини, градови и правни лица:

1. Општина Центар
2. Општина Кисела Вода
3. Општина Карпош
4. Крива Паланка
5. Куманово
6. Амбасада на Велика Британија

ДУО ГРЕЕН РОАД ДОО Скопје до сега во градот Скопје има успешно реализирано соработка со повеќе општини, при што директно од јавните паркинзи се отстранети повеќе од 50 хаварисани возила.

ДУО ГРЕЕН РОАД ДОО Скопје ќе продолжи со својата мисија за создавање почиста, побезбедна и поуредна животна средина.

Во наредниот период, колективниот постапувач ќе го прошири своето дејствување преку создавање на нови партнерства со општините и градовите, јавни и државни претпријатија како и приватни компании.

Визијата на ДУО ГРЕЕН РОАД ДОО Скопје е да стане водечки пример за одговорно и одржливо управување со хаварисаните возила во Македонија, создавајќи систем кој ќе придонесе за подолгорочна заштита на животната средина и унапредување на квалитетот на животот на сите граѓани.